[i565]

DE LA VILLE DE PARIS.

507

d'Avril, l'an mil cinq cens soixante quatre, avant Pasques'¹'."

Collation est faicte.

Ainsi signé : Dutillet.

De par les Prevost des Marchans et Eschevins

DE LA VILLE DE PaRIS.

"Sire Jacques Kerver, Quartenier de lad. Ville, nous vous mandons que ayez à faire executer ce

present arrest de la Court par voz Cinquanteniers et Dixiniers, ausquelz mandons vous obeyr, et nous rapportez en diligence ce qu'ilz en auront faict, pour estre par nous porté à lad. Court. Faict au Bureau de lad. Ville, le nn⁰ jour de May mil v^c Ixv. n

Et ont esté envoyez seize pareilz mandemens et seize arrestz de la Court, telz que dessus, aux seize Quarteniers de lad. Ville.

DCCX. — Quay de la Megisserye.

i 5 mai i565. (H 1784, fol. 3o8 v°.)

Du mardy, xv⁰ jour de May mil v° Ixv.

Ce jour, Messieurs les Prevost des Marchans et Eschevins, advertis que le pavé du quay de la Me-gisserye,à commencer à l'endroit et depuis l'aigoust du Marché aux pigeons jusques à l'arche de l'Abreuvoir Popin'²', s'estoit soudainement enfoncé de deux piedz et plus de proffond et de la largeur de dix à unze piedz, se sont transportez sur le lieu, et ont trouvé la muraille du quay aud. endroict avoir las-ché le massif des terres dud. quay. Au moyen de quoy ont ordonné led. endroict estre despavé, et

faict une tranchée pour regarder et congnoistre la cause .dud. déversement, pour y estre pourveu. Ce faict, le samedi, dix neufiesmejour dud. moys, ont enjoinct aux m^es des euvres de lad. Ville, appellez avec eulx m⁰⁹ Jehan Chapponnet, Vallentin de Pouchet et Julien Amelot, maistres jurez du Roy en l'office de maçonnerye, eulx transporter sur le lieu, veoirdilligemment ce qui est necessaire afaire pour soustenir led. quay, ou bien le reffaire de neuf, et en faire loyal rapport, pour icelluy veu, estre ordonné ce que de raison.

DCCXI. — Lettres du Roy, apportées le mardi, xxii^e jour de May v° lxv.

22 mai i565. (H 1784, fol. 309 ^r°-)

De par le Roy.

"Nostre amé et feal, nous avons esté advertiz que aucuns commis et depputtez à recouvrer les deniers des confirmations de noz officiers qui n'avoient pris confirmation depuis le trespas de feu nostre tres honnoré s^r et pere, ont, contre nostre voulloir et intention, contrainct aucuns officiers de l'Hostel de la Ville et artisans d'icelle à payer confirmation pour les charges et mestiers qu'ilz excercent, encores qu'ilz ne soient officiers royaulx, ains commis à l'excercice d'icelles charges par les Prevost des Marchans et Eschevins de lad. Ville, et pour, ce que c'est chose non acoustumée et que nous n'avons jamais entendue, à ceste cause, nous vous mandons et ordonnons tres

expressement que vous faictes deffenses ausd, commis de n'exiger aucune chose desd, officiers de Ville et artizans pour icelles confirmations, et s'ilz avoient esté contrainctz de payer pour cest effect, faictes leur le tout rendre et restituer incontinant et sans dellay, en contraignant à ce faire lesd, exacteurs par emprisonnement de leurs personnes et autres voyes acoustumées pour noz propres deniers et affaires, car tel est nostre plaisir. Donné à Bourdeaulx, le dernier jour d'Avril mil v° lxv."

Signé : CHARLES. Et au dessoubz : de L'Aubespine;

Et au doz est escript : A nostre amé et feal le Prevost de Paris, ou son Lieutenanl.

seraient convoquées dans la huitaine à l'effet de désigner deux ou trois maîtres qui seraient chargés de répartir et lever les sommes portées sur le rôle du Châtelet. (Arclm.es nationales, Parlement de Paris, X'° i6i4, fol. 4i5 v°.)

⁽¹⁾ Cet arrêt se trouve au registre du Conseil. (Archives nationales, Parlement de Paris, X¹" 1612, fol. 23o r°.)

(²⁾ Le terrain situé: à>l'èxtrémité du quai de la Mégisserie, entre l'Abreuvoir Popin et la rue Saint-Leuffroy, était anciennement connu sous le nom de Vallée de misère et on y tenait le marché à la volaille.

64.